سلام يابنت النور ‏

سلام يابنت النور من ثغور الثنايـــا يشــعـّــــــن***سلام وبروق السماء ترعد ما بين السحايـــــب


سلام من المغرب لحيـث الشمـوس يشرقـــــــن***سلام شمالي جنوبـي بنسناس نـود الهبايــــــــب


بورود الهدا والشـــــــذى بها الاعصاب يهــــدّن***والقلوب تهدأ بذكر الله وتغفــــــــى الهدايـــــــب


خذي النصيحة مني وفي الاذنين عــــــــلقيهّـــن ***دنيا الفناء كبـيرة وكثيرة ٍ بهــــــا المصايـــــــب


وتناسي من للمعاريف والجـودات تنكــــــــــرّن***دنيا الندامة بصدقنا ندفع لهـــــــــا الضرايـــــب


نـدفـع ونـدفـع ونـدفـع ونـدفـع ولــــــكّـــــــــــن***تطلع حسبةٍ ما حســــــبنـــــا لها الحسايـــــــب


في الطيبة من مثــــــلنا بالظنـــــون يحســـــــن***وظننا في لناس لنا هـــــم اهــــــل و حبايــــب


والايادي بعهود الصــدق و الوفــــــاء يمـــــدّن***وعقب كل ما صار يرجــــع هالظــــن خايــــــب


اصابع الكف خـمس ما استــــــوت بعمرهّـــــن***وفي البشر مثلها منهم راس ومنهــم ذنايــــــب


لا حــسافة وعلى مـــــــن راح لا لا لا نأسفـــن***عشنا وشفنا وطبع البشــر كلــــــــه غرايــــــب


المنافق بالطار يضرب وحـــروفـــــه ترقـــصّـن***وبكل هزة حرف تنبسط اساريــــــر الكذايــــــب


حنا نرتفع فوق عالي النوء ومـــــا عقبهّــــــن ***بأخلاقنا نسمو ولهـم نجوم السماء قرايــــــــب


ما يرتفع من طاح و لنفســــه دايــــم ٍ يهّــــــن ***ولا عاد يعتز كل من خان عهـــــد الصحايــــب


صافي الكرع احتــــــاس والمشارب تعكــــرّن***موت الضما ولا رشفة محاويس الشــــــرايب


انتي الشـرف انتي النور وغيـــــــرك ينطـفــن***عنه انوار الكـرامة وعنه الحيــــــاء غايـــب


مثلك على الــــــــراس تيجـان يترصعّــــــــن***بالياقوت و الذهب صافي يا بنت النجايـــــــب


صلي على احمد ما الليل غـــــــــدّر وجّــــــن ***وبأعداد زهور الروض ونفـــــــــح الاطايــب